"Real" 80 million yevro evaziga fransiyalik yulduzini sotib yuborishga tayyor

Madridning "Real" klubi yarim himoyachi Eduardo Kamavingani ma’lum shartlar asosida sotib yuborishni ko‘rib chiqishga tayyor.

"Qirollik klubi" fransiyalik futbolchi uchun 80 mln yevrodan ko‘proq mablag‘ taklif qilingan taqdirdagina uni sotishni ma’qullaydi, deb xabar beradi Defensa Central. Bosh murabbiy Xabi Alonso xavbekdan mamnun. Klubdagilarning fikricha, belgilangan narx xaridorlarni cho‘chitishi kerak.

Eduardo Kamavinganing Transfermarkt saytidagi narxi - 60 mln yevro. 22 yoshli futbolchining madridliklar bilan shartnomasi 2029 yilning yarmigacha mo‘ljallangan.