Xonanda Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi. Bu haqda Intellektual mulk departamenti xabar berdi.
Unda aytilishicha, Abdussamiy taxallusi bilan tanilgan shoir Shohrux Abduvohidovga tegishli “Yaxshimasmi” hamda “Ertaga boramizmi” nomli she’rlari muallifning ruxsatisiz ijro etilgani holati yuzasidan huquqiy chora ko‘rilishini so‘rab qilingan murojaat Adliya vazirligi tomonidan o‘rganilib chiqildi.
O‘rganish mobaynida taniqli ijodkorlar Rayhon G‘aniyeva ijrosidagi “Yaxshimasmi” hamda “Sahar” guruhi solisti Anvar Jo‘rayev tomonidan ijro etilgan “Ertaga boramizmi” nomli qo‘shiqlarining she’rlari, bastakor Shahboz Nosirjonov tomonidan muallif ruxsatisiz foydalangani aniqlandi.
Holat yuzasidan huquqbuzarga nisbatan Ma’muriy javobgarlik to‘g‘risidagi kodeksning 177 prim 1-moddasi bilan ma’muriy huquqbuzarlik to‘g‘risidagi bayonnomalar rasmiylashtirilib, tegishli sudga yuborildi.
Toshkent shahar jinoyat ishlari bo‘yicha Yashnabod tuman sudining qaroriga ko‘ra, huquqbuzarga nisbatan bazaviy hisoblash miqdorining 2 baravari miqdorida — 750 000 so‘m jarima jazosi tayinlandi.
Gidrometeorologiya xizmati agentligi tezkor axborot berdi
O‘zbekistonda o‘ta xavfli yuqumli kasallik tarqatuvchi “uyg‘ondi”
Rasul Kusherbayev IIBda bir necha soat ushlab turilganidan shikoyat qildi
