Bugun O‘zbekiston futbol assosiasiyasi birinchi vise-prezidenti Ravshan Irmatov Kanada davlatining O‘zbekistondagi favqulodda va muxtor elchisi Kristofer Daggan boshchiligidagi delegasiya bilan uchrashdi.
Uchrashuv davomida Kanada tomoni O‘zbekiston milliy terma jamoasini 2026-yil AQSH, Kanada va Meksikada bo‘lib o‘tadigan Jahon chempionati ishtirokchisiga aylangani bilan tabrikladi.
Tomonlar kelgusida O‘zbekiston va Kanada yoshlar terma jamoalari o‘rtasida o‘rtoqlik uchrashuvlarini tashkil etish, ikki davlat futbol mutaxassislari o‘rtasida tajriba almashish mexanizmlarini rivojlantirish bo‘yicha fikr almashdi. Shuningdek, viza masalalari ham muhokama qilindi.
Mehmonlar yaqinda foydalanishga topshirilgan Milliy futbol markazi faoliyati bilan tanishib, markazda yaratilgan sharoitlar va zamonaviy talablar asosida tashkil etilgan imkoniyatlarni yuqori baholadi.
Rossiyada xizmat ko‘rsatgan murabbiy: «O‘zbekiston terma jamoasi JChda hech narsaga da’vo qila olmaydi»
Jahon chempionati-2026 mezboni O‘zbekistonga 50 ming dollar taklif qildi
Opta superkompyuteri Jahon chempionati favoritini taxmin qildi
