"Sevilya" va "Barselona"ning sobiq yarim himoyachisi Ivan Rakitich Saudiyaning "Ash-Shabab" jamoasidan vatani Xorvatiyaga qaytdi. "Xayduk Split" u bilan shartnoma imzolaganini rasman e’lon qildi. 21 iyul, yakshanba kuniyoq futbolchi tanishtiriladi va yangi mavsumga tayyorgarlikni boshlaydi.
36 yoshli Rakitich bilan shartnoma bir mavsumga mo‘ljallangan, biroq tomonlar uni yana bir mavsumga uzaytirish imkoniyatini nazarda tutgan.
Qizig‘i shundaki, avvalroq, hatto yoshligida ham Rakitich Xorvatiyada o‘ynamagan - Ispaniya va Saudiya Arabistonidan tashqari, Shveysariya va Germaniyada ham o‘ynagan.
