"Barselona" hujumchisi Rafinya 2026 yilgi "Oltin to‘p" uchun nomzodlar orasida o‘zi va jamoadoshi Pedrining yo‘qligiga munosabat bildirdi.
Braziliyalik futbolchi bu qarorni adolatli deb hisoblamasligini aytdi. Uning fikricha, Pedri ham sovrin uchun da’vogarlar qatorida bo‘lishiga munosib edi.
"Men buni adolatli deb o‘ylamayman. Gap faqat men haqimda emas, Pedri haqida ham ketmoqda. Menimcha, u ham nomzodlar ro‘yxatida bo‘lishi kerak edi", — dedi Rafinya RAC1 nashriga bergan intervyusida.
O‘tgan mavsumda Rafinya barcha turnirlar doirasida 33 ta uchrashuvda qatnashib, 21 ta gol urdi va 8 ta golli uzatmani amalga oshirdi.
Shuningdek, u "Barselona" bilan Ispaniya chempionligi va mamlakat Superkubogini qo‘lga kiritdi.
2026 yilgi jahon chempionatida esa Rafinya ishtirok etgan Braziliya terma jamoasi 1/8 final bosqichida musobaqani tark etgan edi.
Husanovga juda yuqori ball berishdi
Eronlik milliarder "Chelsi" futbol klubini sotib oldi
O‘zbekiston va Qozog‘iston tarixiy Jahon chempionatida bir guruhga tushdi
