Joriy yil 11 may kuni soat 07:30 larda Romitandagi “Qo‘rg‘on” mol bozori hududidagi avtoturargohda “Qalaycharbog‘” mahallasida yashovchi, 42 yoshli M.A. va F.SH. lar o‘zaro mol oldi-berdi masalasida savdolashib turgan vaqtlarida gazberonlik 1995 yilda tug‘ilgan K.N. ularning o‘rtalaridagi savdolashish jarayoniga hech bir sababsiz aralashib, M.A. ni qo‘l mushti va oyoqlari bilan urib, do‘pposlagan.
Mazkur holat yuzasidan tuman IIB tomonidan fuqaro K.N. ga nisbatan Jinoyat Kodeksining 277-moddasi 2-qismi bilan jinoyat ishi qo‘zg‘atilib, hozirgi kunda dastlabki tergov harakatlari olib borilmoqda.
