"Qo‘ng‘iroqni kutyapman" – Tramp Xitoyga savdo signalini yo‘lladi!

Tramp Xitoydan qo‘ng‘iroq kutmoqda.

AQSh prezidenti Donald Tramp Xitoy rahbariyati savdo masalalarini muhokama qilish uchun qo‘ng‘iroq qilishini kutayotganini ma’lum qildi.

Oq uy rahbari yaqinda Janubiy Koreya prezidenti vazifasini bajaruvchi bosh vazir Xan Dok Su bilan suhbatlashganini va ular savdo hamkorligi istiqbollarini muhokama qilganini aytdi. "Xitoy ham kelishuvga intilmoqda, buni juda xohlamoqda, lekin hozircha nimadan boshlashni bilmayapti. Ularning tashabbusini kutmoqdamiz. Bu albatta sodir bo‘ladi," deya yozdi Tramp o‘zining Truth Social platformasidagi xabarida.

Tramp 2 aprel kuni 185 mamlakat va hududdan keltirilayotgan mahsulotlarga bojxona to‘lovlari joriy etilishini e’lon qildi. Xitoyga nisbatan Amerika bojlari 34 foiz miqdorida belgilandi. Bunga javoban XXR hukumati 10 apreldan boshlab AQShdan import qilinadigan barcha mahsulotlarga 34 foiz miqdorida qo‘shimcha bojlar joriy etilishini ma’lum qildi.

Dushanba kuni Tramp agar Pekin o‘zining javob bojlarini bekor qilmasa, 9 apreldan Xitoydan keltirilayotgan tovarlarga 50 foiz miqdorida qo‘shimcha bojlar joriy etishini ta’kidladi.