Qudratillo Abduqahhorov Meksikada jang o‘tkazdi

Professional bokschimiz Qudratillo Abduqahhorov Meksikada o‘tkazilgan professional boks oqshomida ringga ko‘tarildi.

Hamyurtimiz mazkur jangda mezbon bokschi Xorxe Garsiya Peresga qarshi jang qildi.

10 raundlik jang to‘liq davom etdi va unda afsuski bokschimiz 92-99, 90-99, 90-99 hisoblarida imkoniyatni boy berdi.

Ushbu to‘qnashuvdan so‘ng Qudratilloning prof boksdagi o‘tkazgan janglari soni 24 taga yetdi. Bokschimiz janglarning 20 tasida g‘alaba qozongan. Bugungi mag‘lubiyat uning faoliyatida to‘rtinchisi bo‘ldi.

Xorxe Garsiya Peres esa 36 ta jangda 32 ta g‘alaba qayd etgan. 4 marotaba mag‘lubiyatga uchragan.