Qozog‘istonning Olmaota viloyatida asli tojikistonlik fuqaro shaxsiy uyda noqonuniy ravishda musulmon diniy maktabi bo‘lgan madrasa tashkil qilgan. U 19 nafar bolaga arab tilidagi adabiyotlardan foydalanib dars bergan, deb yozadi Orda.
Tekshiruv davomida 179 dona diniy adabiyotlar, mobil telefon va noutbuk olib qo‘yilib, tegishli ekspertizalar tayinlangan.
Qirg‘izistonda ham tegishli ruxsatnomasiz faoliyat yuritgan shunga o‘xshash ta’lim muassasalari aniqlangan.
