Qozog‘istonda koronavirusga chalingan bemor vafot etdi

Qozog‘istonda koronavirusga chalingan bemorlardan biri vafot etdi. U ayol kishi bo‘lgan. Bu haqda respublikaning Axborot va ijtimoiy rivojlanish vaziri Dauren Abayev ma’lum qildi, deb yozadi “Sputnik Qozog‘iston”.

“Bugun Qozog‘iston fuqarosi koronavirusdan vafot etdi. Biz oilamiz va do‘stlarimizga hamdardlik bildiramiz, bu og‘ir yo‘qotishdir”, dedi Abayev.

15 aprel kuni Qozog‘istonda koronavirus pandemiyasi tufayli favqulodda holat joriy etildi. Jamoat tartibini himoya qilish kuchaytirildi, ko‘plab savdo ob’ektlari, ko‘ngilochar markazlar, kinoteatrlar, teatrlar va ko‘rgazmalarning faoliyati cheklandi. 28 martdan boshlab Nur-Sulton va Olma-Ota shaharlarida karantin rejimi kuchaytirildi: fuqarolarning uylardan chiqishiga cheklovlar joriy etildi.

So‘nggi ma’lumotlarga ko‘ra, Qozog‘istonda 109 kishi koronavirus bilan kasallangan.