Qozog‘istonning Aqto‘be viloyatida vertolyot halokatga uchradi. Voqea joyiga yetib kelgan qutqaruvchilar yong‘inni o‘chirishgan. Mi-8 bortida uch kishi bo‘lgan: ulardan biri vafot etgan, ikki nafari kasalxonaga yotqizilgan.
Qozog‘iston mudofaa vazirligi aviahalokat yuzasidan rasmiy bayonot berdi.
«Vertolyot ekipaji katta tajribaga ega edi va kechayu kunduz qiyin ob-havo sharoitida vazifalarni, shu jumladan, favqulodda vaziyatlardagi harakatlarni bajarish uchun professional tarzda o‘qitilgandi.
Mi-8 vertolyotlari Qozog‘iston Respublikasi mustaqillikka erishganidan beri havo hujumidan mudofaa kuchlarida xizmat ko‘rsatib kelmoqda. Bu vertolyotda so‘nggi kapital ta’mir 2023 yilda Olmaotadagi «405-samolyot ta’mirlash zavodi» bazasida amalga oshirilgan», deyiladi Qozog‘iston Respublikasi Mudofaa vazirligi matbuot xizmati bayonotida.
«Qiyomat muzligi» kutilganidan tezroq xavf sola boshladi
Er yuzining eng go‘zal ayoli aniqlandi
Afg‘oniston varianti Ukraina uchun mos deb topildi
