Qozog‘istonlik professional bokschi Raxat Seytjan (10-1, 6 KO) va o‘zbekistonlik raqibi Jahonmurod Imomaliyev (9-5, 5 KO) o‘rtasidagi jang Aktobe shahrida bo‘lib o‘tadi. Bu haqda Sports.kz nashri promouter Jalg‘as Tukeshovga tayanib xabar berdi.
Tashkilotchilarning ta’kidlashicha, Aktobeda Qozog‘iston va O‘zbekiston vakillari o‘rtasida keskin to‘qnashuv kutilmoqda.
Professional boks kechasi «Chempionlar kechasi» deb nomlanib, 31 oktyabr kuni o‘tkaziladi. Seytjan va Imomaliyev yarim o‘rta vazn toifasida, olti raundga mo‘ljallangan jangda kuch sinashadi.
«Raxat Seytjan O‘zbekiston vakili Joxonmurod Imomaliyevga qarshi ringga ko‘tariladi.
Sana: 31 oktyabr 2026 yil.
Joy: Aktobe, Yakkakurashlar saroyi», — deya ma’lum qilgan promouter o‘zining instagram sahifasida.
Eslatib o‘tamiz, Seytjan (10-1, 6 KO) so‘nggi marta 2026 yil aprelida jang qilgan edi. U o‘sha bahsda rossiyalik Danis Gabdrafikovga qarshi WBA Asia East mintaqaviy kamari uchun ringga chiqib, hakamlar yakdil qaroriga ko‘ra mag‘lub bo‘lgan.
O‘zbekiston vakili Jahonmurod Imomaliyev esa 2025 yil yanvar oyida Toshkentda bo‘lib o‘tgan O‘zbekiston chempionatida ishtirok etib, saralash bosqichlarida bir qator havaskor janglar o‘tkazgan.
Mayk Tayson Trampning taklifiga binoan Oq uyga tashrif buyurdi (foto)
Rasman: Ispaniyalik murabbiy O‘zbekiston terma jamoasini tark etdi
«Barselona» futbolchisini 500 million yevroga sotmoqchi
