Qozog‘iston Respublikasining AQShdagi elchixonasi qozog‘istonliklarni Florida, Jorjiya va Janubiy Karolinadan zudlik bilan evakuasiya qilinishga chaqirdi. Gap shundaki, shtatlarga so‘nggi 100 yildagi eng kuchli to‘fon – «Milton» yaqinlashmoqda.
«Florida hukumati bir nechta okruglarda majburiy evakuasiya e’lon qildi. Barcha aholiga ehtimoliy favqulodda qo‘ng‘iroqlarga va zudlik bilan evakuasiya qilishga tayyor turish tavsiya etiladi», deyiladi xabarda.
Qozog‘iston Respublikasining AQShdagi elchixonasi qozog‘istonliklarni mahalliy hokimiyat ko‘rsatmalariga amal qilishga va favqulodda holatlarda darhol diplomatlarga murojaat etishga chaqirdi.
AQSh Milliy to‘fon markazi ma’lumotlariga ko‘ra, «Milton» to‘foni 10 oktyabrdan 11 oktyabrga o‘tar kechasi Floridaning g‘arbiy qismiga yopiriladi. Jorjiya va Janubiy Karolinaning qirg‘oq hududlari ham bo‘ron xavfi ostida bo‘lishi mumkin.
Ayrim ma’lumotlarga ko‘ra, bu dovul oltinchi toifa darajasiga yetishi mumkin. Uning tezligi allaqachon 257 km/soatga yetgan. Hududdagi 5,5 million kishi evakuasiya qilishga chaqirilgan.
«Milton», sinoptiklarning fikriga ko‘ra, «Helen»dan ikki baravar kuchli bo‘ladi.
Ukraina dushman uchun «Jahannam» tayyorladi
Rossiya Ukrainadan yerlarini qaytarib olganini e’lon qildi
16 dekabr kuni yana izg‘irin sovuq qaytadi
