Qozog‘iston Trampning sanksiyalariga tushdi: AQSh importga 25% boj joriy qilmoqda

1 avgustdan boshlab AQSh Qozog‘istondan keladigan mahsulotlarga 25 foizlik import bojini joriy etadi. Bu haqda Donald Tramp o‘zining Truth Social ijtimoiy tarmog‘ida Qozog‘iston prezidenti Qosim-Jomart Toqayevga yo‘llangan maktubni e’lon qildi. Trampning so‘zlariga ko‘ra, bu chora savdo kamomadini qisqartirish va AQShdagi ishlab chiqarishni qo‘llab-quvvatlashga qaratilgan.

“Bu maktubni sizga jo‘natish men uchun sharafdir, chunki u bizning savdo munosabatlarimizning mustahkamligini va AQSh Qozog‘iston bilan ishlashni davom ettirishga tayyorligini ko‘rsatadi, garchi sizning buyuk mamlakatingiz bilan sezilarli savdo kamomadimiz mavjud bo‘lsa ham”.

Bojlar shuningdek quyidagi mamlakatlarga ham ta’sir qiladi:
– Malayziya (25%)
– Yaponiya (25%)
– Janubiy Koreya (25%)
– Janubiy Afrika (30%)
– Laos (40%)
– Myanma (40%)

📩 Oq uy matbuot kotibi Kerolin Livitt ma’lum qilishicha, bu tariflarning birinchi to‘lqini bo‘lib, yaqin kunlarda yana ko‘plab mamlakatlarga ogohlantirish xatlari yuboriladi.

❗️ Asosiy savolga – nega birinchi navbatda Osiyo ittifoqchilari tanlangan – Livitt javob berdi: “Bu prezidentning vakolati va aynan shunday mamlakatlarni u tanladi”.