Qozog‘iston yer ostidagi g‘aznasini ochdi: Mamlakatda kamyob yer metallarining yirik koni aniqlandi

Qozog‘istonning markaziy hududida kamyob yer metallari koni topilgani haqida mamlakat Sanoat va qurilish vazirligi ma’lum qildi.

Jana Qozog‘iston (Yangi Qozog‘iston) uchastkasining umumiy bashorat qilingan zaxiralari 300 metr chuqurlikkacha joylashgan holda 20 million tonnadan ortiqni tashkil etishi baholanmoqda. Kamyob yer metallarining o‘rtacha miqdori bir tonnada 700 grammni tashkil qiladi.

"Ma’dan oralig‘idan olingan namunalarda deyarli barcha kamyob yer elementlarining, ayniqsa neodim, seriy, lantan va ittriyning yuqori konsentrasiyasi mavjud," - dedi Markazgeologiya bosh geologi Maksim Klochkov.

Vazirlik uchastkani kim va qachon o‘zlashtirishni boshlashi haqida ma’lumot bermadi.

Dunyoda kamyob yer metallariga qiziqish AQShning yangi prezidenti Donald Trampning Kiyev bilan foydali qazilmalar bo‘yicha kelishuv tuzishni xohlashi tufayli ortdi.