Qozog‘iston boks federasiyasi uzoq davom etgan muhokamalar va ekspertiza natijasida muhim qaror qabul qildi. Qozog‘iston World Boxing tashkilotiga a’zo bo‘lish uchun rasmiy ariza topshirdi.
Qozog‘iston Respublikasi boks federasiyasi matbuot xizmati ta’kidlaganidek, bu qaror mahalliy bokschilarning Olimpiya kelajagi bilan bevosita bog‘liq.
“Hozir boksning Olimpiada dasturida qolishi masalasi XOQ darajasida muhokama qilinmoqda. Biz boksni Olimpiya o‘yinlari dasturida saqlab qolish uchun barcha davlatlar bilan hamkorlik qilishga tayyormiz. Ushbu qaror boksni yanada rivojlantirish imkonini beradi, deb hisoblaymiz. World Boxing olimpiya komissiyasi raisi, Milliy olimpiya qo‘mitasi prezidenti Gennadiy Golovkin bilan uchrashuvda mahalliy boksni rivojlantirish yo‘llarini muhokama qildik”, – dedi federasiya rahbari Shohmurat Mutalip.
World Boxing – Xalqaro boks federasiyasi. Ushbu tashkilot 2023 yil aprel oyida tashkil etilgan. Ayni paytda uning tarkibiga 44 davlat milliy federasiyalari kiradi.
