Qirg‘izistonda yuz bergan zilzila oqibatida 14 ta binoga zarar yetdi

Qirg‘izistonda 5 avgust kuni sodir bo‘lgan 5,6 magnitudali zilzila oqibatida 14 ta turar-joy va boshqa binolar qisman zarar ko‘rgan. Bu haqda TASSga respublika Favqulodda vaziyatlar vazirligi ma’lum qildi.

“Kecha, 5 avgust kuni Jalolobod viloyatida sodir bo‘lgan zilzila oqibatlarini o‘rganish bo‘yicha komissiyaning dastlabki ma’lumotlariga ko‘ra, zarar ko‘rgan turar-joy va ijtimoiy ob’ektlar soni 14 taga yetdi”, dedi vazirlik vakili.

Uning so‘zlariga ko‘ra, Mayluu-Suu shahrida ijtimoiy ob’ektlardan birining devorlarida “yoriqlar hosil bo‘lgan”. Viloyatning Suzoq va Bozorqo‘rg‘on tumanlarida ham turar-joy binolari va uy-joylarga zarar yetgani qayd etilgan.

Respublika Favqulodda vaziyatlar vazirligi rahbari Boobek Ajikeev komissiyaga yer silkinishlari oqibatlarini o‘rganishni davom ettirish bo‘yicha topshiriq berdi.

Qirg‘izistonda 5 avgust kuni soat 19:44 da O‘zbekiston bilan chegara yaqinida 5,6 magnitudali zilzila sodir bo‘ldi. Mailu-Suvda zilzila kuchi 5 ball, viloyat markazi Jalolobodda 4 ballni tashkil qilgan.

Manbai 23 kilometr chuqurlikda bo‘lgan yer silkinishini Qirg‘iziston poytaxti (2,5 magnitudali), shuningdek, O‘zbekiston aholisi ham his qildi, deb xabar berdi tass.ru.