Qirg‘izistonda xalqaro jinoiy guruh fosh etildi, 136 kg narkotik musodara qilindi

4 davlat fuqarolaridan iborat transmilliy uyushgan giyohvandlik guruhini yo‘q qilish bo‘yicha maxsus operasiya o‘tkazildi, deb xabar qildi Qirg‘iziston IIV Giyohvand moddalarning noqonuniy aylanishiga qarshi kurash xizmati.

Jumladan, 1997 yilda tug‘ilgan A.U.A., 1966 yilda tug‘ilgan M.B., 2004 yilda tug‘ilgan M.M.A., 1968 yilda tug‘ilgan R.A.J., 1980 yilda tug‘ilgan A.E.J., 1970 yilda tug‘ilgan J.X.R., 1978 yilda tug‘ilgan SH.A.R. Bundan tashqari, 1972 yilda tug‘ilgan rossiyalik A.X.T. xalqaro qidiruvga berilgan.

Tergovga ko‘ra, ular Qirg‘iziston orqali Afg‘onistonda ishlab chiqarilgan giyohvand moddalarni kontrabanda va katta miqdorda sotish bilan shug‘ullangan.

Guruh 7 kishidan iborat bo‘lib, unda Rossiya, Qozog‘iston, Tojikiston va Qirg‘iziston fuqarolari faoliyat yuritgan.

Reyd davomida qiymati taxminan $44 ming.ga baholangan 116 kg gashish va 20 kg opiy moddasi aniqlangan.

Ularga nisbatan bir qator jinoiy ishlar qo‘zg‘atilib, tergov harakatlari davom etmoqda, deb xabar berdi Qirg‘iziston IIV.