Qirg‘izistonda deputat Balbak Tuloboyev O‘zbekiston va Turkmanistondan sabzavot, meva va rezavor mevalar olib kirishga taqiq joriy etishni taklif qildi. Bu haqda “Tazabek.kg” xabar berdi.
Deputat bunday taklifni 24-iyun kuni Agrar siyosat, suv resurslari, ekologiya va mintaqaviy rivojlanish qo‘mitasining yig‘ilishida ilgari surgan.
Uning fikricha, bu qadam mahalliy fermerlarga o‘z mahsulotlarini sotishga yordam berish uchun zarur.
“Nega o‘zimizniki bo‘la turib, boshqalarni boyitib, ularning mahsulotlarini sotib olishimiz kerak? Biz mahalliy sabzavot, meva va rezavorlarni nafaqat eksport, balki iste’mol qilmoqchimiz”, — dedi u.
Bunga javoban Qishloq xo‘jaligi vaziri o‘rinbosari Kubat Kaseyinov bu masalani ko‘rib chiqishini aytdi.
Dollar ikkinchi darjali fonga tushyaptimi?
Mashhur aktyorning qizi uning familiyasidan voz kechdi
Dembele zaxirada qolishi mumkin
