Qirg‘izistonda har yili 140 mingdan ortiq ayol ona bo‘ladi

Qirg‘izistonda may oyining uchinchi yakshanbasida onalar kuni nishonlanadi, deya xabar beradi Kabar.

Davlat rahbarining 2012 yildagi farmoni bilan ta’sis etilgan ushbu bayram jamiyat va oila hayotida muhim o‘rin tutadi.

Onalar kuni onalarga chuqur hurmat va minnatdorchilik ramzidir. Shu kuni bog‘cha va maktablarda turli bayram tadbirlari, tanlovlar, uchrashuvlar tashkil etiladi. Televideniye va radiokanallarda onalar uchun maxsus ko‘rsatuvlar efirga uzatiladi.

2025 yil 1 yanvar holatiga ko‘ra, Qirg‘izistonda 3 million 679 ming nafar ayol istiqomat qiladi, bu mamlakat aholisining 50,5 foizini tashkil qiladi. Ularning 43 foizi shaharlarda, 57 foizi qishloqlarda istiqomat qiladi.

2024 yilda 140 mingdan ortiq ayol ona bo‘ldi. Tug‘ish paytidagi o‘rtacha yosh — 28,3 yosh. Ayollar umri davomida o‘rtacha uch nafar bola tug‘adilar. Bu aholining tabiiy o‘sishini ta’minlaydi. 2024 yilda 1253 egizak va 21 uch egizak dunyoga keldi.

Mutaxassislarning fikriga ko‘ra, ayollarning atigi 44 foizi bolalar o‘rtasida 3 yildan ortiq tanaffus qilishadi. 33 foizi 2 yildan kamroq vaqt oralig‘ida tug‘adi - bu kamqonlik va homiladorlikning asoratlari xavfini oshiradi.

Onalar kuni shunchaki bir kun emas. Bu jamiyatning xotin-qizlar va onalarga bo‘lgan cheksiz hurmat-ehtiromini ko‘rsatuvchi, kelajakka yo‘l ochadigan muhim kundir.