Qirg‘iziston Milliy xavfsizlik davlat qo‘mitasiga yangi rahbar tayinlandi

Jumgalbek Shabdanbekov Qirg‘iziston Milliy xavfsizlik davlat qo‘mitasi (MXDQ) raisi etib tayinlandi.

Bu haqda prezident Sadir Japarov tegishli farmonni imzoladi.

Boshqa bir farmon bilan Urmatbek Shamirkanov Favqulodda vaziyatlar vaziri etib tayinlandi.

Japarov ilgari MXDQ raisi Kamchibek Tashiyevni ishdan bo‘shatgan edi. Prezident Davlat qo‘mitasi rahbarining iste’fosi ayrim siyosatchilarning parlamentni Tashiyev jamoasi va prezident jamoasiga bo‘lishga urinishi bilan bog‘liq ekanligini aytdi.