iPhone 12 Pro komponentlarining narxi 400 dollardan sal ko‘proq. Bu haqda Nikkei nashri xabar berdi.
Mutaxassislar Apple kompaniyasi flagman smartfonining barcha tarkibiy qismlarini o‘rganib chiqib, iPhone 12 Pro'ning qo‘shimcha narxlarisiz haqiqiy narxi 406 dollarni tashkil etishini aniqladilar. Smartfonni ishlab chiqarishda Janubiy Koreya yetkazib beruvchilari katta rol o‘ynadi – osiyolik hamkorlarning komponentlari narxi umumiy ulushning 26,8 foizini tashkil etdi. Jurnalistlar ushbu ulush iPhone 11'ga qaraganda yuqori ekanligini payqashdi.
Ma’lumotlarga ko‘ra, yangi iPhone'ning eng qimmat komponenti OLED displeyi bo‘lib, ekranlarni Janubiy Koreyaning Samsung Display va LG Display kompaniyalari yetkazib beradi.
Jurnalistlar tomonidan 406 dollarga baholangan iPhone 12 Pro'ni kamida 999 dollarga sotib olish mumkin.
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
Tojikiston chegarachilari yetti nafar afg‘onni otib o‘ldirdi
Qirg‘iziston Moskvaning bayonotlaridan norozi
