FVV Qibray tumanida sodir bo‘lgan yong‘in to‘g‘risida ma’lumot berdi.
Bugun, 23 iyul soat 10:50 da Toshkent viloyati FVBga, Qibray tumani, "G‘.G‘ulom" MFY, "A.Navoiy" ko‘chasida joylashgan yashash uyi va qurilish mollari do‘konida yong‘in sodir bo‘layotganligi to‘g‘risida xabar kelib tushgan.
Xabarga asosan, yong‘inni o‘chirish uchun 5 ta yong‘in-qutqaruv ekipajlari soat 10:57 da voqea joyiga borib, 11:17 da o‘rab olingan va yong‘in soat 11:50 da to‘liq o‘chirilgan.
Tan jarohati olganlar to‘g‘risida murojaat kelib tushmagan.
Hozirda yong‘in sababi va zarari aniqlanmoqda.
