Qatar Airways aviakompaniyasi Eron, Iroq va Livanga parvozlarni vaqtinchalik to‘xtatib qo‘ygani, shuningdek, Iordaniyaga parvozlarga cheklovlar qo‘yilgani haqida ma’lum qildi. Bu qaror mintaqada keskinlikning kuchayishi va Isroilning Eronga zarba berishi mumkinligi haqidagi taxminlar tufayli qabul qilindi.
“Yaqin Sharqdagi mavjud vaziyat tufayli Qatar Airways keyingi ogohlantirishgacha Eron, Iroq va Livanga parvozlarni vaqtincha to‘xtatdi”, – deyiladi xabarda.
Aviakompaniya Iordaniyaga parvozlarni davom ettirishini e’lon qildi, ammo ular faqat kunduzgi vaqt bilan cheklangan.
Kompaniya yo‘lovchilar xavfsizligini birinchi o‘ringa qo‘ydi va vaziyatni diqqat bilan kuzatib borishini va kerak bo‘lganda qo‘shimcha ma’lumot berishini bildirdi.
Yaqinda Germaniyaning Lufthansa Group milliy aviakompaniyasi Tehron va Bayrutga parvozlarni 2025 yil boshigacha to‘xtatishga qaror qildi. Bunga Yaqin Sharqdagi mojaroning kengayishi tahdidi sabab bo‘lgan.
Lufthansa Group tarkibiga kiruvchi SWISS va Austrian Airlines aviakompaniyalari Tehronga 2025 yilning 31 yanvariga qadar, Bayrutga esa 2025 yilning 28 fevraliga qadar parvozlarni to‘xtatib qo‘yishlarini ma’lum qildi. Lufthansa shu hafta Tel-Avivga parvozlarni 10 noyabrgacha to‘xtatib qo‘yishini e’lon qildi.
Maktablarda kuzgi ta’til vaqti e’lon qilindi
Eron o‘rab olinmoqda
Ertalabdan Isroilga yuzlab raketalar tashlandi
