"O‘zenergoinspeksiya" Qashqadaryo viloyat hududiy boshqarmasi tomonidan IIB ishtirokida o‘tkazilgan nazorat tadbirida G‘uzor tumani "Yangikent" MFYda joylashgan "G." MCHJ o‘ziga qarashli yaroqsiz holatdagi tok transformatoridan foydalanib kelayotganligi aniqlangan.
Ushbu qoidabuzarlik natijasida dastlabki hisob-kitoblarga ko‘ra elektr ta’minoti korxonasiga 558 million so‘mlik zarar yetkazilganligi ma’lum bo‘ldi.
Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.
