Kursk viloyatidagi 2 mingga yaqin ukrainalik harbiylar qamal qilingan hudud 15 kilometrga 6 kilometrni tashkil qiladi, dedi Rossiya prezidenti Vladimir Putin.
Uning so‘zlariga ko‘ra, rus qo‘shinlari «Kursk viloyatida dushman atrofida ishonchli halqa yaratgan va hozir ularni siqib chiqarmoqda».
Putinning ta’kidlashicha, Rossiya Qurolli Kuchlari «mahbuslarning hayoti, xavfsizligi va normal muomalasini kafolatlaydi,» Ukraina Qurolli Kuchlari esa «qurshab olingan bo‘linmalarni blokdan chiqarishga harakat qilmoqda, ammo bu urinishlar muvaffaqiyatsiz.» Uning so‘zlariga ko‘ra, Rossiya qo‘shinlari «dushmanning barcha qarshi hujumlarini muvaffaqiyatli qaytarmoqda.»