Rossiya prezidenti Vladimir Putin va Serbiya rahbari Aleksandr Vuchich telefon orqali suhbatlashib, ikki tomonlama hamkorlik, Ukrainadagi mojaro va Bolqondagi vaziyatni muhokama qildi. Muloqot Belgrad tashabbusi bilan o‘tkazildi.
Kremlning ma’lum qilishicha, Vuchich Putinni Rossiya Davlat dumasi saylovlari o‘tkazilgani bilan tabriklagan. Suhbatda energetika, neft-gaz sohasi, transport va sog‘liqni saqlash yo‘nalishlaridagi hamkorlik masalalari ko‘rib chiqilgan.
Serbiya prezidenti Rossiyaning mamlakatga ko‘rsatayotgan yordami, jumladan, o‘rmon yong‘inlarini o‘chirishdagi ko‘magi uchun minnatdorlik bildirgan.
Shuningdek, Vuchich Serbiyadagi navbatdan tashqari parlament saylovlariga tayyorgarlik haqida ma’lumot bergan. Tomonlar saylov jarayoniga tashqi aralashuvga yo‘l qo‘yilmasligi zarurligini ta’kidlagan.
Bolqondagi vaziyat muhokamasida Bosniya va Gersegovinada Deyton kelishuvlari asosidagi tartibni saqlash hamda Serb Respublikasining qonuniy huquq va manfaatlarini ta’minlash zarurligi qayd etilgan.
Kreml suhbat iliq va do‘stona ruhda o‘tganini bildirdi.
Rossiyada bir hafta ichida kasallanganlar soni qariyb 1 millionga yetdi
Netanyaxu nutqi paytida zalni tark etgan davlatlar ro‘yxati
O‘zbekistonda dam olish kunlari ob-havo keskin o‘zgaradi
