Putin va Trampning qayerda uchrashishi noma’lum

Rossiya prezidenti Vladimir Putin va AQShning saylangan prezidenti Donald Tramp o‘z lavozimiga kirishganidan so‘ng o‘rtasida bo‘lishi mumkin bo‘lgan uchrashuv joyi haqida gapirishga hali erta, chunki bu tadbirga hozircha jiddiy tayyorgarlik ko‘rilayotgani yo‘q.

Bu haqda Rossiya prezidenti matbuot kotibi Dmitriy Peskov jurnalistlarga turli mamlakatlar, xususan, Serbiya va Shveysariyaning uchrashuv o‘tkazish uchun joy ajratish haqidagi takliflarini sharhlar ekan, ma’lum qildi.

"Ko‘pgina davlatlar o‘z xizmatlarini taxminiy aloqalar o‘tkazilishi mumkin bo‘lgan joylar sifatida taklif qilmoqdalar, ammo bu haqda gapirishga hali erta, chunki hali jiddiy tayyorgarlik yo‘q", dedi u.

Kreml matbuot kotibining so‘zlariga ko‘ra, hozirda "bunday aloqalar juda zarur va maqsadga muvofiq bo‘lishi haqida e’lon qilingan tushunish va siyosiy iroda mavjud".

"Vashingtondagi ma’muriyat o‘zgargandan keyin ko‘proq ko‘rib chiqamiz", - deya qo‘shimcha qildi Peskov.