Putin va Tramp deyarli bir soat suhbatlashdi

Ular, jumladan, Ukraina masalasini ham muhokama qildi, deya suhbat tafsilotlarini ma’lum qildi Rossiya prezidenti yordamchisi.

Yuriy Ushakovning so‘zlariga ko‘ra, Tramp yana harbiy harakatlarni tezroq to‘xtatish masalasini ko‘targan. Putin esa mojaroni siyosiy muzokaralar yo‘li bilan hal qilish bo‘yicha izlanishlar davom etayotganini ta’kidlagan.

"Putin Trampga Rossiya belgilangan maqsadlarga erishishga intilishini va ulardan voz kechmasligini aytdi. Umuman olganda, Rossiya va AQSh yetakchilari o‘rtasidagi suhbat har doimgidek ochiq va samarali o‘tdi. Prezidentlar, albatta, o‘zaro muloqotni davom ettiradi. Bu borada kelishuv mavjud", — dedi Ushakov.