Putin: "Tramp jasur inson, u bilan uchrashaman"

Rossiya prezidenti Vladimir Putin AQSh prezidenti Donald Tramp bilan uchrashishi mumkin.

Bu haqda Rossiya yetakchisi Belarus poytaxti Minskka tashrifi yakunlari bo‘yicha jurnalistlar bilan suhbatda aytib o‘tdi.

"Shunday qilib, umuman olganda, uchrashuv bo‘lishi mumkin va biz bunga mamnuniyat bilan tayyorlanamiz", dedi Putin.

U, shuningdek, Tramp Ukrainadagi vaziyatni hal qilishga ko‘maklashishga chin dildan harakat qilayotganini ta’kidladi.

"U mamlakat ichida nima qilyapti, Yaqin Sharqdagi vaziyat bilan bog‘liq va Ukraina inqirozini hal qilish borasidagi sa’y-harakatlari - biz, albatta, bularning barchasini juda qadrlaymiz. Men buni allaqachon aytganman va hozir ham ochiq aytmoqchiman: Prezident Tramp muammoni Ukraina yo‘lida hal qilishga chin dildan intilayotganiga ishonaman", - dedi Rossiya prezidenti.

Putin Trampga katta hurmat bilan qarashini ta’kidladi.

"Men AQShning amaldagi prezidentini juda hurmat qilaman. U hokimiyatga va Oq uyga qaytish uchun juda uzoq, qiyin va xavfli yo‘lni bosib o‘tdi. U jasur odam, bu aniq", - dedi u.