Sochida ikkita samolyot to‘qnashib ketdi

Rossiya janubidagi Sochi aeroportida uchish-qo‘nish yo‘lagida ikki samolyot to‘qnashib ketdi.

Bu haqda Rossiya Federasiyasi Janubiy transport prokuraturasi ma’lum qildi.

Ma’lumotlarga ko‘ra, Tyumenga uchayotgan samolyot Norilskdan kelayotgan samolyot bilan uchish-qo‘nish yo‘lagida to‘qnashgan. Yo‘lovchilar, ekipaj a’zolari va xizmat xodimlari jabrlanmagan.

Sochi transport prokuraturasi aviahalokat yuzasidan tergov olib bormoqda. Xodimlar parvozlar xavfsizligi to‘g‘risidagi qonun hujjatlariga rioya qilinganligini baholaydilar.

To‘qnashuv natijasida, departament taqdim etgan fotosuratlardan ko‘rinib turibdiki, bitta samolyot qanotining bir qismi sinib, ikkinchi samolyot stabilizatoriga yopishib qolgan.