Rossiya prezidenti to‘rt oy ichida ikkinchi marta mamlakat armiyasida shtatlar sonini oshirdi. Putin tomonidan imzolangan hujjatga ko‘ra, Rossiya Qurolli kuchlarining shtatdagi umumiy soni endi 2 399 130 kishini tashkil etadi (avval 2 391 770 edi), shundan 1 510 000 nafari harbiy xizmatchilar hisoblanadi (avval 1 502 604 edi).
Oxirgi marta Vladimir Putin 2026 yil mart oyida Rossiya Qurolli kuchlaridagi shtatlar sonini oshirgandi. O‘shanda shtatga taxminan ikki ming kishi qo‘shilgan edi.