Putin: Qirg‘izistondagi Rossiya harbiy bazasi mintaqaviy barqarorlikning muhim omili

Rossiya prezidenti Vladimir Putin Qirg‘izistonda joylashgan birlashgan Rossiya harbiy bazasi mintaqada barqarorlikni ta’minlashda muhim ahamiyatga ega ekanini ta’kidladi. U bu haqda Qirg‘iziston rahbari Sadir Japarov bilan o‘tkazilgan muzokaralar chog‘ida so‘z ochdi.

«Xavfsizlik sohasidagi hamkorlikka alohida e’tibor qaratamiz. Respublikada joylashgan birlashgan Rossiya harbiy bazasi mintaqada barqarorlikni ta’minlashning muhim omillaridan biri hisoblanadi», — dedi Putin.