Putin Lukashenkoni tabrikladi

Putin Lukashenkoni prezidentligining 30 yilligi bilan tabrikladi.

Rossiya prezidenti Vladimir Putin Belarus davlati rahbari Aleksandr Lukashenkoni davlat rahbari sifatidagi 30 yillik faoliyati munosabati bilan tabrikladi.

Bu haqda Belarus prezidenti matbuot xizmati ma’lum qildi.

«Zamonaviy davlat institutlarining barpo etilishi va ijtimoiy-iqtisodiy sohadagi muhim yutuqlar bilan belgilab qo‘yilgan Belarusning butun zamonaviy tarixi sizning nomingiz bilan uzviy bog‘liqdir.

Belarus saylovchilari sizga olti marta ketma-ket oliy davlat mansabini ishonib topshirdi va bu sizning vatandoshlaringiz orasida katta obro‘-e’tiborga ega ekanligingizdan dalolat beradi», — deyiladi Putinning tabrik maktubida.