Putin Kremlda Eron Oliy milliy xavfsizlik kengashi kotibi bilan uchrashdi

Rossiya prezidenti Vladimir Putin Kremlda Eron Oliy milliy xavfsizlik kengashi kotibi Mohsen Rezaini qabul qildi. Bu haqda Kreml vakili Dmitriy Peskov ma’lum qildi.

IRIB ma’lumotlariga ko‘ra, Eron xavfsizlik kengashi kotibi Rossiya prezidentiga islam respublikasi oliy rahnamosi Mojtaba Xomanaiyning maktubini yetkazgan.

Dushanba kuni Putin va Rezai telefon orqali muloqot qilib, Yaqin Sharqdagi vaziyatni muhokama qilgan edi. Eronlik siyosatchi Tehronni qo‘llab-quvvatlayotgani uchun minnatdorlik bildirdi. Bundan tashqari, tomonlar kelgusida ham strategik hamkorlikni davom ettirishga sodiqliklarini tasdiqladilar.

Avvalroq Eron prezidenti Masud Pezeshkian Mojtaba Xomanaiy hukumatga Qo‘shma Shtatlar bilan mojaroni muloqot orqali hal qilish vakolatini berganini aytgan edi. Rossiya esa inqirozni bartaraf etishda o‘z ko‘magini taklif qilgan.

Sentyabr oyi oxirida Eron AQShga Hormuz bo‘g‘izini ochish bo‘yicha yetti kunlik rejani o‘z ichiga olgan takliflarni yuborgan edi, bunga javoban esa dengiz blokadasi va eksport cheklovlarini olib tashlash talab qilingandi. Oq uy rahbari Tramp buni rad etgan.

Dushanba kuni respublika tashqi ishlar vaziri Abbos Araqchi rejani bajarishning taxminiy muddatini ikki sutkagacha qisqartirishga muvaffaq bo‘lganini, endi hamma narsa Amerika tomonining javobiga bog‘liq ekanini ma’lum qildi.