Putin jurnalistning savoliga keskin javob qaytardi

Rossiya prezidenti Vladimir Putin amerikalik jurnalistning matbuot anjumanida bergan savoliga keskin javob berdi.

«Siz "SVO" maqsadiga yeta olmadingiz. Ko‘plab rossiyaliklar, jumladan, Moskvada o‘ldirilgan general ham halok bo‘ldi. Suriyada siz qo‘llab-quvvatlagan Asad rejimi ag‘darib tashlandi. Tramp bilan uchrashganingizda kuchsizroq yetakchiga aylanasiz. Siz nima taklif qila olasiz?» - deb so‘radi Putindan NBC jurnalisti Kir Xardi Brennan-Simmons.

Putin bunga javoban: «Siz va AQShda maoshingizni to‘layotganlar Rossiyaning zaiflashgan holatda bo‘lishini juda xohlaysizlar. Men ishonamanki, Rossiya so‘nggi ikki-uch yil ichida ancha kuchli bo‘ldi. Biz ancha mustaqil bo‘ldik, mudofaa qobiliyatini, qurolli kuchlarimizning jangovar tayyorgarligini mustahkamlayapmiz, bu hozir dunyoda eng yuqori ko‘rsatkichdir».

Putin, shuningdek, Donald Tramp bilan 4 yildan ortiq vaqt davomida gaplashmaganini, ammo Amerika yetakchisi bilan gaplashishga tayyorligini aytdi.

Putin, shuningdek, Suriyadagi hokimiyat tepasiga «terrorchilar» kelmaganini aytdi: «Biz Suriyadagi siyosiy kuchlar bilan munosabatlarni qo‘llab-quvvatlaymiz, ular harbiy bazalarimizning qolishidan manfaatdor, ammo biz bu haqda o‘ylayapmiz».

Uning so‘zlariga ko‘ra, Moskva «Xmeymim va Tartusdagi bazalardan insonparvarlik ehtiyojlari uchun foydalanishni» taklif qilgan.