Putin JAR prezidentiga Trampning elchisi bilan uchrashuv yakunlari haqida ma’lumot berdi

Rossiya prezidenti Vladimir Putin Janubiy Afrika Respublikasi prezidenti Siril Ramafosa bilan telefon orqali muloqot qildi.

Kreml matbuot xizmati xabar berishicha, Rossiya yetakchisi o‘z suhbatdoshini AQSh yetakchisining elchisi Stiven Uitkoff bilan uchrashuv yakunlari haqida ma’lum qilgan.

Putin va Ramafosa, shuningdek, Rossiya-Janubiy Afrika har tomonlama hamkorlikni yanada rivojlantirish masalalarini muhokama qildi. Prezidentlar, shuningdek, aloqalarni davom ettirishga kelishib oldilar.

Eslatib o‘tamiz, 6 avgust kuni Putin Moskvada Trampning maxsus vakili bilan uchrashgan edi. Uchrashuvdan so‘ng Rossiya prezidenti yordamchisi Yuriy Ushakov yaqin kunlarda Putin va Trampning uchrashuvi kelishib olinishini aytdi.