Rossiya prezidenti Vladimir Putin yangi yil munosabati bilan rossiyaliklarga murojaat qildi. Moskva vaqti bilan 31 dekabr kuni tushdan keyin murojaat Uzoq Sharqdagi Rossiya telekanallarida namoyish etildi.
«Mustaqil, ozod va qudratli mamlakatimiz eng murakkab chaqiriqlarga javob bera oldi. Endi esa, yangi yil ostonasida, biz kelajak haqida o‘ylaymiz. Ishonchimiz komilki, hammasi yaxshi bo‘ladi. Biz faqat oldinga intilamiz», dedi Putin Kreml fonida murojaat qilib.
«Biz aniq bilamizki, biz uchun mutlaq qadriyat Rossiyaning taqdiri, fuqarolarning farovonligidir, shunday bo‘lgan va shunday bo‘ladi. Vatanimizga bo‘lgan samimiy tuyg‘ular hayotimizni yuksak ma’no-mazmunga to‘ldirib, uning suvereniteti, xavfsizligi, manfaatlarini himoya qilish, erkin taraqqiyotiga hissa qo‘shish istagi biz uchun sharaf ishiga aylandi», dedi Rossiya rahbari.
Putin o‘z murojaatida Rossiya-Ukraina urushi qatnashchilari haqida gapirib, rossiyaliklar harbiylarining «mardligi va jasorati bilan faxrlanishini» aytdi. «Ushbu yangi yil arafasida butun Rossiya bo‘ylab millionlab odamlarning oilalari va do‘stlarining fikru-hayoli, umidi bizning askarlar va qo‘mondonlarimiz bilan birga», dedi Rossiya prezidenti.
Shuningdek, u Rossiya «Ulug‘ Vatan urushi» faxriylarining ahdi va an’analariga sodiq ekanini ta’kidladi.
«Har bir xonadonimizga, har bir oilamizga, aziz yurtimiz – Rossiyaga farovonlik tilayman. Biz birga bo‘lsak, hammasi amalga oshadi», deb qo‘shimcha qildi Putin.
9 yanvar AQShda motam kuni deb e’lon qilindi
G‘arb Rossiyadan sanksiyalarni AQShga ko‘chirishni taklif qildi
Rossiyada vaqtincha mehnat faoliyatini olib borayotgan hamyurtlarimiz uchun muhim xabar
