“Propiska” tizimi bekor qilindi

Senatning uchinchi yalpi majlisida fuqarolarni yashash va turish joyi bo‘yicha ro‘yxatdan o‘tkazishni takomillashtiruvchi qonun qabul qilindi.

Endi amaldagi propiska talablari bekor qilinib, “E-xabar berish” tizimi joriy etiladi. U orqali fuqarolarni ro‘yxatga va hisobga olish elektron shaklda amalga oshiriladi.

Fuqarolar ro‘yxatdan o‘tmasdan yashash muddati 15 kundan 10 ish kuniga qisqartiriladi. Shuningdek, pasport tizimi qoidalarini buzganlik uchun javobgarlik yengillashtirilib, 18 yoshga to‘lmagan va 60 yoshdan oshganlar jazodan ozod etiladi.