"Prava" uchun "forma-083/h"ni onlayn olish imkoniyati yaratildi

My.gov.uz da 083/h shakldagi tibbiy ma’lumotnomani onlayn olish qulayligi yaratildi. Bu haqda Davlat xizmatlari markazi xabar bermoqda.

Endilikda tibbiyot muassasalari tomonidan fuqarolarning transport vositasini boshqarishga yaroqliligi to‘g‘risida beriladigan 083/h shakldagi tibbiy ma’lumotnomani olish uchun ushbu muassasalarga qayta borish shart emas.

Shunchaki, my.gov.uz orqali "Sog‘liqni saqlash" bo‘limidan kerakli xizmatni tanlab, 083/h shakldagi tibbiy ma’lumotnomani onlayn yuklab olish kifoya. Ma’lumotnoma unda ko‘rsatib o‘tilgan muddatgacha amal qiladi.

Xizmatdan foydalanish bepul va hech qanday hujjat talab etilmaydi.