Portugaliyada noqulay ob-havo tufayli elektr uzatish liniyalarining shikastlanishi tufayli kamida 56 ming kishi elektr energiyasidan mahrum bo‘lib turibdi.
Mahalliy RTP telekanalining xabar berishicha, kuchli shamol va jala yog‘ishi bilan birga kelgan “Kristin” dovuli mamlakatning bir qator hududlariga jiddiy zarar yetkazdi.
Tabiiy ofat natijasida minglab aholi elektr energiyasiz qoldi.
Hukumat ma’lumotlariga ko‘ra, dovul natijasida besh kishi halok bo‘lgan. Yetkazilgan umumiy zarar 4 milliard yevrodan oshishi mumkin.
Portugaliyaning elektr energiyasini taqsimlash kompaniyasi E-Redes ma’lum qilishicha, hozirda taxminan 56 mingga yaqin iste’molchi elektr energiyasiz qolyapti. Kompaniya dushanba kuni ertalab soat 8:00 da «Kristin» siklon ta’siriga uchragan hududlarda qariyb 48 ming abonent hali ham yorug‘liksiz qolganini ma’lum qildi.
Favqulodda vaziyat oqibatlarini bartaraf etish uchun falokat hududiga 2,5 ming portugal harbiy xizmatchisi safarbar etilgan.
Starlinkning o‘chirilishi frontdagi vaziyatni o‘zgartirdi
Rossiya AQSh taklifini rad etdi
Rossiya — chiqish yo‘li: bosib olingan Abxaziya norozilik bildirdi
