Poltava: Rossiyaning halokatli raketa hujumi. Nimalar ma’lum?

Rossiyaning raketa hujumi qurbonlari soni 50 dan oshib ketdi.

Ukraina prezidenti Vladimir Zelenskiy o‘zining tungi murojaatida Rossiyaning seshanba kuni Poltava shahriga bergan zarbasi oqibatida kamida 51 kishi halok bo‘lgan, 270 dan ortiq kishi jarohatlanganini aytdi.

Avvalroq Poltava gubernatori Filipp Pronin Telegram xabar almashish platformasida 49 kishi halok bo‘lgani, 219 kishi yaralangani haqida ma’lum qilgandi.

«Qidiruv guruhlari hududdagi vayronalarni demontaj qilishda davom etmoqda», dedi Pronin.