Polshada hukumat "Varmiya va Mazurini ozod qilish yodgorligi"ni buzib tashlamoqchi

Polsha Madaniyat va milliy meros vazirligi Olshtindagi “Varmiya va Mazurini ozod qilish yodgorligi”ni demontaj qilishga qaror qildi. Bu haqda boshqarma saytida xabar berildi.

“Ob’ektni jamoat maydonida keyingi namoyishga yo‘l qo‘yib bo‘lmaydi va davlat manfaatlariga ziddir”, — deyiladi xabarda.

Bosh vazir o‘rinbosari Pyotr Glinskiy Olshtin meriga yodgorlikni jamoat joylaridan zudlik bilan olib tashlashni talab qilib, bir necha bor ochiq murojaat qilgan. Joriy yilning avgust oyida Polsha Madaniyat va milliy meros vaziri “Varmiya-Masuriya yerlarini ozod qilish yodgorligi”ni yodgorliklar reestriga kiritish to‘g‘risidagi qaror bekor qilinganligini ma’lum qildi.

So‘nggi yillarda Polshada mamlakatni ozod qilish uchun halok bo‘lgan "Qizil Armiya" askarlarining yuzlab yodgorliklari vayron qilingan.