Pokiston prezidenti Karachidagi kasalxonaga yotqizildi

Pokiston prezidenti Asif Ali Zardoriy salomatligi yomonlashgani sababli Karachi shahridagi xususiy shifoxonaga yotqizildi, deb yozadi Anadolu.

Mahalliy matbuotning yozishicha, Zardoriy tana harorati yuqori bo‘lgani uchun xususiy shifoxonaga yetkazilgan.

Pokiston Xalq partiyasi (PXP) manbalariga ko‘ra, hozirda Pokiston prezidenti davolanmoqda. Shifokorlar, shuningdek, uning sog‘lig‘ini baholash uchun barcha kerakli tibbiy tekshiruvlarni boshladilar.

Bundan tashqari, maxsus ruxsatsiz shifoxonaga borishga cheklovlar joriy etilib, tibbiyot muassasasi hududida xavfsizlik choralari kuchaytirilgan.