Pokiston mudofaa vaziri: “Hindiston chekinsa, biz keskinlikni bartaraf etamiz”

Pokiston agar Hindiston respublikaga qarshi tajovuzkor harakatlardan voz kechsa, u bilan keskinlikni bartaraf etadi.

Bu haqda Pokiston mudofaa vaziri Xavaja Asif Bloomberg agentligiga bergan intervyusida ma’lum qildi.

"So‘nggi ikki hafta davomida biz Hindistonga qarshi dushmanlik harakatlarini amalga oshirish niyatimiz yo‘qligini doimo ta’kidlab keldik. Lekin bizga hujum qilishsa, javob beramiz. Agar Hindiston chekinsa, biz bu keskinlikni to‘xtatamiz," - deya uning so‘zlarini keltiradi agentlik.

Hindiston bilan tinchlik muzokaralari o‘tkazish imkoniyati haqidagi savolga javob berar ekan, vazir hozirda bunday hamkorlik uchun potensial imkoniyatlar haqida hech narsa bilmasligini aytdi.