Pivo va kokteyl o‘limga olib keladi

Mutaxassislar tomonidan xabar qilinishicha, pivo va kokteyl kabi yengil alkogol mahsulotlari jigar sirroziga olib keladi.

Ma’lum bo‘lishicha, xavfli kasallik yuzaga kelishi uchun alkogolning qay darajada quvvatli ekani ahamiyatsiz. Barchasi uning miqdori va uzoq muddat iste’mol qilinishiga bog‘liq. Xususan, yengil alkogolga o‘rgangan odamlar qay darajada katta xavf bilan to‘qnash kelayotganlarini ko‘pincha bilmay qoladilar.

Mutaxassislarning fikricha, aynan «pivo sirrozi» juda og‘ir kechadi. Alkogol mahsulotlari haqida gap ketganda, foydali jihatlari haqida gapirish ortiqcha. Har qanday spirtli ichimlik jigarga og‘ir yuk bo‘ladi va patologik holatni yuzaga keltirishi mumkin.