Peskov: "Rossiyadan ketayotgan tankerning Fransiya tomonidan ushlanishi noqonuniy"

Fransiya rasmiylari tomonidan Rossiyadan ketayotgan tankerning ushlanishi noqonuniy hisoblanadi.

Bu haqda Rossiya prezidenti matbuot kotibi Dmitriy Peskov brifingda ma’lum qildi.

"Biz bunday harakatlarni noqonuniy deb hisoblaymiz; ular xalqaro qaroqchilikka chegaradosh. Biz ularning xalqaro huquqqa to‘liq muvofiq ravishda amalga oshirilayotganiga mutlaqo qo‘shilmaymiz", dedi u.

Shuni ta’kidlash kerakki, Fransiya prezidenti Emmanuel Makron ijtimoiy tarmoqlarda Fransiya dengiz floti bir nechta mamlakatlar yordamida tankerni ushlaganini e’lon qildi.