Pentagon rahbari iste’foga chiqadi

Mudofaa vaziri Pit Xegsetning shtab boshlig‘i Jo Kasper o‘z lavozimini tark etadi.

Bu haqda payshanba kuni Politico gazetasi xabar berdi.

Hisobotga ko‘ra, "Pentagondagi ta’sir uchun kurashda asosiy rol o‘ynagan" Kasper payshanba kuni ish kunining oxirida AQSh Mudofaa vazirligidagi faoliyatini to‘xtatadi. Ilgari u Pentagondagi boshqa lavozimga o‘tishi taxmin qilingan bo‘lsa-da, ayni damda Kasper lobbichilik va konsaltingga qaytish niyatida, deya qayd etadi nashr.

Shu bilan birga, gazeta tushuntiradiki, u Pentagonni vaqtincha, yiliga 130 kundan ortiq bo‘lmagan muddatda "qo‘llab-quvvatlash va maslahat berishda" davom etadi.

Politico nashriga ko‘ra, Kasper aslida AQSh Mudofaa vazirligining uchta yuqori martabali amaldorini: Pentagon rahbari shtab boshlig‘i o‘rinbosari Darin Selnikni, Mudofaa vaziri maslahatchisi Den Kolduellni va Mudofaa vaziri o‘rinbosari shtab boshlig‘i Kolin Kerrollni ishdan bo‘shatish tashabbuskori bo‘lgan. Gazetaning ta’kidlashicha, ba’zi amaldorlar ishdan bo‘shatishni Kasperning hokimiyatni to‘plashga urinishi deb bilishgan.