Pentagon rahbari e’lon qilinmagan tashrif bilan Kiyevga keldi

AQSh Mudofaa vaziri Lloyd Ostin AQSh saylovlari oldidan qurol-yarog‘ yetkazib berish masalasini muhokama qilish uchun kutilmaganda Kiyevga keldi.

AQSh mudofaa vaziri Lloyd Ostin Kiyevga kutilmagan tashrif bilan keldi, deya xabar bermoqda Reuters agentligi. Tashrifdan maqsad AQSh saylovlari oldidan Ukrainani qo‘llab-quvvatlashni namoyish etish edi. CNNning aniqlik kiritishicha, Ostin Ukraina prezidenti Vladimir Zelenskiy va mudofaa vaziri Rustem Umerov bilan uchrashishni rejalashtirmoqda.

Tashrifning asosiy mavzularidan biriga aylangan uchrashuvlarda Ukrainaning qurolga bo‘lgan ehtiyoji muhokama qilinadi. AQSh Mudofaa vazirining tashrifi Vashingtonning Ukrainani, ayniqsa, hozirgi og‘ir xalqaro sharoitda harbiy va siyosiy qo‘llab-quvvatlashni davom ettirishi muhimligini ta’kidlaydi.

Ostinning kutilmagan tashrifi ko‘pchilikda katta qiziqish uyg‘otmoqda, chunki u AQShdagi saylovlarga tayyorgarlik ko‘rilayotgan paytga to‘g‘ri keladi.