Pavel Durov Parijda 10 soat tergov qilindi

Telegram asoschisi Pavel Durov deyarli 10 soat davom etgan uchinchi so‘roqdan so‘ng Parij sud binosini tark etdi.

Bu haqda Rossiya OAVlari xabar bermoqda.

Agentlik ma’lumotlariga ko‘ra, Durov advokatlar hamrohligida Parij tribunali binosidan Parij vaqti bilan taxminan 20:00da (Toshkent vaqti bilan 23:00 atrofida) chiqib ketgan. U jurnalistlarning savollariga javob berishdan bosh tortdi va tezda mashinasi tomon yurdi.

Ikki tergov sudyasi Durovni 2024 yil avgustida Fransiyada hibsga olinganidan beri uchinchi marta mazmunan so‘roq qildi, deyiladi hisobotda.